Гародня: дамы на Татарскай і Камбайнёрскай ідуць пад знос
Тры гады таму ў Гародні на вуліцы Татарскай і Камбайнёрскай адбылася буйная аварыя – прарвала цеплатрасу. Аварыя была такой магутнай, што некаторыя будынкі затапіла кіпнем ажно да вокнаў другога паверху. Зараз жыхароў дамоў, што жылі на месцы аварыі, перасялілі ў новыя дамы. Адным далі кватэры ў новым мікрараёне Альшанка, а іншым на вуліцы Пралетарскай, што ў кіламетры ад “затопленага раёна”.
Некаторыя жыхары яшчэ збіраюць свае пажыткі на месцы свайго былога жытла.
Кажа адна з жыхарак, што раней жыла на вуліцы Татарскай:
– Абмен у нас быў не раўназначны. За наш вялікі дом далі 2 кватэры. Цяпер збіраем тое, што пакуль не расцягнулі марадзёры. Што не атрымаецца сабраць – раздадзім знаёмым і суседзям.
Па словах былых жыхароў, вялікую частку пажыткаў паспелі расцягнуць бамжы і марадзёры. Некаторых марадзёраў нават затрымалі супрацоўнікі міліцыі. На месцы знесеных дамоў паўстануць новыя шматпавярховікі, якія ўжо ў хуткім часе пачне будаваць адна з будаўнічых фірмаў гораду.
[Not a valid template]
Беларускае Радыё Рацыя
Глядзіце таксама
