Двое ўзброеных злачынцаў застрэлілі 14 чалавек у каліфарнійскім горадзе Сан-Бернардына 2 снежня. Паліцыя высветліла асобы дваіх чалавек, якія ўчынілі стральбу. Па дадзеных праваахоўных органаў, гаворка ідзе пра 28-гадовага Сіеда Фарука і 27-гадовую Ташфін Малік.
Фарук і Малік былі застрэленыя паліцыяй пасля пагоні. Па папярэдніх звестках, яны былі заручаны або жанатыя. Раней паведамлялася, што Фарук працаваў у дэпартаменце аховы здароўя акругі Сан-Бернардына. Ён разам з Малік адкрыў стральбу на святочным мерапрыемстве дэпартамента, якое праходзіла ў памяшканні цэнтра дапамогі людзям з парушэннямі развіцця.
Стральба ў Каліфорніі здарылася на заводзе, на якім працавалі людзі з абмежаванымі магчымасцямі.
Паводле неафіцыйных дадзеных, на вечарыне ў Фарука адбыўся канфлікт, пасля чаго ён пакінуў будынак і вярнуўся ўжо са зброяй.
У выніку страляніны ў Сан-Бернардына загінулі 14 чалавек. Абодва падазраваныя ў забойствах былі застрэленыя паліцыяй. Раней паведамлялася, што быў затрыманы іх саўдзельнік, аднак пасля гэтыя звесткі не пацвердзіліся.
