У Гародні адкрылася выстава выцінанак і жывапісу
У Гарадзенскім абласным метадычным цэнтры адкрылася выстава маладых творцаў з Лідчыны: мастачкі Ірыны Вашкевіч ды майстрыхі выцінанкі Дар’і Юрчык. Да гэтага яны ўжо прымалі ўдзел у моладзевых творчых выставах, сярод іх „Маладыя таленты Панямоння” і „Творчая рунь”. Іхнія вырабы — пошук новага прымянення традыцыйных формаў, — кажа супрацоўніца абласнога метадычнага цэнтра.
— Яны вельмі цягнуцца да традыцыйнай культуры, да народнай спадчыны. Да прыкладу, тая ж Ірына Вашкевіч, акрамя таго, што прадстаўленыя яе палотны жывапісу, яна яшчэ і майстар па народнаму касцюму і даследуе традыцыйную культуру. Усё гэта яна пераасэнсоўвае і стварае такія сучасныя стылізаваныя убранні для моладзі.
Дар’я Юрчык апрача вырабаў выцінанкі мае дадатковае захапленне. Разам з Ірынай Вашкевіч яны спяваюць ў гурце „Талер”, які дзейнічае на базе лідскага цэнтра рамёстваў. На жаль прыехаць на вернісаж дзяўчыны ня здолелі, бо захварэлі.
Паглядзець выставу могуць усе ахвотныя. Яна будзе дзейнічаць да Калядаў.
[Not a valid template]
Беларускае Радыё Рацыя
