Лукашэнка наведае „Камволь” нечакана
Аляксандр Лукашэнка ў пятніцу выказаў абурэнне спробай ўвесці яго ў зман, якую распачалі некаторыя чыноўнікі, паведамляе БелТА.
„Не паехаў, таму што міністр пачаў займацца там ашуканствам. І для таго, каб паказаць на працягу аднаго-двух дзён працу прадпрыемства, сабраў усё, што можна, з міністэрства, з канцэрна, звёз туды сыравіну для таго, каб на дзень-два запусціць машыны, а па убыццю прэзідэнта, напэўна, паспяхова іх спыніць”, – паведаміў Лукашэнка.
Ён паабяцаў, што яшчэ наведае ААТ «Камволь», прычым нечакана.
Кіраўнік дзяржавы дадаў, што будуць вывучаны аспекты супрацоўніцтва з Бранскім камвольным камбінатам у частцы перадачы яму ў арэнду новага абсталявання ААТ «Камволь».
