Без авіябазы, але без крэдыту
“Авіябаза? Не, не абмяркоўвалася”, — сказаў прэс-сакратар прэзідэнта Расеі Дзмітрый Пяскоў пасля перамоў Аляксандра Лукашэнкі і Уладзіміра Пуціна.
У сярэдзіне верасня Пуцін даручыў Мінабароны і МЗС правесці з Менскам перамовы і па выніках падпісаць пагадненне аб стварэнні ў Беларусі расейскай авіябазы. Аднак Аляксандр Лукашэнка выступіў супраць гэтай ідэі.
У адказ Расея прыняла рашэнне не выдзяляць Беларусі крэдыт з падкантрольнага ёй Еўразійскага Антыкрызіснага фонду. Тым часам Менск прасунуўся ў перамовах з Міжнародным валютным фондам аб выдзяленні крэдыту такога ж памеру, але пад ніжэйшы працэнт.
Абодва кіраўнікі краін высока ацанілі перамовы. Лукашэнка сказаў, што паміж Беларуссю і Расеяй не засталося ніводнага пытання, якое патрабуе дадатковай прапрацоўкі. Лукашэнка дадаў, што «абсалютна давярае» свайму расейскаму калегу.
Пуцін жа адзначыў, што перамовы былі канструктыўнымі і дзелавымі. Па меркаванні прэзідэнта Расеі, супраца з Беларуссю мае стратэгічны характар.
21 снежня адбудзецца яшчэ адна сустрэча кіраўнікоў Беларусі і Расеі. Гэтым разам у рамках саміта АДКБ.
Беларускае Радыё Рацыя
Фота mpsh.ru
Глядзіце таксама
