Цвярозасць – выбар моцных
Пад такім дэвізам у Гародні другі год запар прайшлі спаборніцтвы па пераадольванні дыстанцыі працягласцю 4 кіламетры 300 метраў.
У першы дзень новага года ўдзел у мерапрыемстве, зарганізаваным дабрачынным таварыствам, што дзейнічае пры Гарадзенскай епархіі, прыняло больш за 130 аматараў бегу. Узрост удзельнікаў – ад 10 да 65 гадоў. Як адзначае арганізатар бегу цвярозасці святар Павал Каспяровіч, адзначыць пачатак Новага года такім незвыклым спосабам выказвае жаданне ўсё большая колькасць гарадзенцаў:
– У мінулым годзе бегла 60 чалавек. Мэта мерапрыемства – аб’яднаць людзей, якія прытрымліваюцца ідэі цвярозасці. Мы жывем у такі час, калі нашая нацыя стаіць на адным з першых месцаў па ўжыванні алкаголю.
Дзяніс Шаўчэнка, ідэйны натхняльнік забегаў цвярозасці:
– Пакуль толькі Гародня падтрымлівае гэтую ідэю. Яны яшчэ на стадыі роздуму і падрыхтоўкі.
Ганна Ступакевіч:
– Цудоўнае надвор’е, прырода, столькі народу! Усе ўсміхаюцца.
Упершыню ў бегу цвярозасці прынялі ўдзел сябры садружнасці “Ананімныя алкаголікі”. 15-асабовая група складалася з людзей, якія пазбавіліся алкагольнай залежнасці і цяпер вядуць здаровы лад жыцця.
[Not a valid template]
Беларускае Радыё Рацыя, Гародня
