Маці Ягора Пратасені не дазваляюць сустрэцца з сынам
Начальнік жодзінскай турмы №8 адмаўляе Святлане Пратасені ў магчымасці сустрэцца з асуджаным сынам Ягорам, які пасля спробы самагубства знаходзіцца ў цэнтральным гарадскім шпіталі. Некалькі дзён таму Ягор Пратасеня, знаходзячыся ў камеры-адзіночцы жодзінскай турмы, ажыццявіў спробу суіцыду. Стан 20-гадовага хлопца лекары ацэньваюць, як вельмі цяжкі. Увесь час ён знаходзіцца ў коме. Тое, што начальнік турмы адмаўляе Святлане Пратасені ў магчымасці сустрэцца з сынам можа сведчыць аб дачыненні турэмнай адміністрацыі да той трагедыі, якая здарылася, – зазначае кіраўнік ініцыятыўнай групы па стварэнні грамадскага аб’яднання “Матчын рух 328” Ларыса Жыгар:
– Ён казаў, што сваёй смерцю я дакажу, як у нас ставяцца да ўсіх затрыманых, як здзекваюцца. Проста створаны, з яго словаў, з яго ліста, менавіта аддзел гестапа.
Ягор Пратасеня здзейсніў спробу самагубства ў сувязі з тым, што на працягу васьмі месяцаў у дачыненні да яго ажыццяўляліся катаванні з боку супрацоўнікаў следчага камітэта ды іншых сілавых структураў. Пра гэта ён неаднаразова паведамляў у сваіх лістах на волю.
Беларускае Радыё Рацыя
Глядзіце таксама
