“Белсат” здымае фільм пра генерала Кандратовіча
У рамках цыкла перадач “Загадкі беларускай гісторыі” тэлеканал “Белсат” стварае дакументальны фільм пра міністра Беларускай Народнай Рэспублікі – “Беларускі генерал Кіпрыян Кандратовіч”. Здымкі перадачы праходзілі ў мястэчку Пагародна, што на Воранаўшчыне, дзе быў маёнтак генерала, у Лідзе, дзе ён быў пахаваны, і ў мястэчку Воранава, куды на пачатку 90-х гадоў парэшткі міністра БНР былі перапахаваныя і знайшлі свой апошні спачын. Аўтар і вядучы праграмы – гісторык Алесь Краўцэвіч зазначыў выключную ролю ў гісторыі Беларусі і загадкавасць асобы генерала Кандратовіча.
– Кандратовіч, па-першае, фігура, на жаль, малавядомая беларусам. Па-другое, таксама загадкавая. Будзе адна з загадак у нашым фільме: чаму расейскі генерад з польскамоўнай беларускай шляхты выбраў усё-такі Беларусь і служыў Беларусі? Ён пацярпеў паразу разам з усёй Беларускай Народнай Рэспублікай. Але параза гэтая тактычная, таму што калі б не яго праца, калі б не праца БНР, то не было б ні БССР, ні сучаснай Рэспублікі Беларусь – незалежнай нашай краіны.
Прэм’ера дакументальнага фільма “Беларускі генерал Кіпрыян Кандратовіч” з цыклу перадач “Загадкі беларускай гісторыі” адбудзецца ў пятніцу 26 лютага ў 18 гадзін 55 хвілін на тэлеканале Белсат.
[Not a valid template]
Андрусь Панямонаў, Беларускае Радыё Рацыя
Фота аўтара
Глядзіце таксама
