У Гарадку адкрылася выстава пад назвай «Што сказалі людзі»
«Што сказалі людзі» — выстава пад такой назвай адкрылася ў Гарадку на Беласточчыне.
Экспазіцыя выставы — плён леташніх майстар-класаў з мясцовай моладдзю, якія ладзіла Таварыства практыкаў культуры.
На думку арганізатаркі Анны Чыжэўскай, менавіта на памежных абшарах варта размаўляць пра шматкультурнасць
— Трэба звяртаць увагу моладзі, каб яны былі уважлівымі да адметнасці, адрознасці, да мінулага, да памяці, да сустрэчаў са старэйшымі людзьмі, а таксама адно да аднаго, каб разумелі, што нехта можа быць іншым і інакш глядзець на свет, па-іншаму жыць.
Выстава вельмі сучасная па сваёй форме, выкарыстоўвае розныя сродкі пераказу, — падкрэслівае супрацоўніца Гміннага цэнтра культуры ў Гарадку, Дарота Сульжык.
— Чым больш інтэрактыўна, тым цікавей. Цяпер мы маем такое пакаленне і такія часы, што людзі хочуць незвычайных выставаў. Не дастаткова павесіць нешта на сцяну, трэба яшчэ ўздзейнічаць і іншымі імпульсамі.
Экспанаты выставы: здымкі, вопратка, а таксама аўдыё-запісы адносяцца да міжваеннага перыяду.
Выставу можна паглядзець да 13 лютага.
[Not a valid template]
Уля Шубзда, Беларускае Радыё Рацыя
