Дзень адчыненых дзвярэй у беларускім ліцэі ў Бельску
ІІ Агульнаадукацыйны ліцэй імя Браніслава Тарашкевіча з беларускай мовай навучання запрашае 9 сакавіка на Дзень адчыненых дзвярэй.
“Запрашаем усіх вучняў, якія сёлета закончаць гімназіі, а таксама іх бацькоў прыйсці і пазнаёміцца з нашай адукацыйнай прапановай,” – кажа дырэктар школы Андрэй Сцепанюк:
– Запрашаем ад 16-й да 19-й гадзіны да нас. Тут мы хочам сустрэцца з бацькамі і вучнямі, паказаць ім, што мы робім. Зразумела, будуць усе настаўнікі, якія пакажуць свае класы, раскажуць, як адбываецца навучанне. Пакажам тое, што маем у школе.
У Бельскім беларускім ліцэі ўсе вучні вывучаюць беларускую мову. Як паказвае досвед, гэта не стварае праблем нават тым, якія раней не сутыкаліся з гэтай мовай.
Давід Гайко, Беларускае Радыё Рацыя, Бельск
Фота аўтара
Глядзіце таксама
