Experty.by абвесцяць музычныя альбомы года
Арганізатары музычных узнагародаў Experty.by абвесцілі спіс 12 намінантаў. Прэмія будзе ўручацца ў восьмы раз паводле меркавання беларускіх і замежных адмыслоўцаў. У замежным журы – 5 экспэртаў, па адным прадстаўніку з кожнае краіны, з якой мяжуе Беларусь. Да прыкладу, Польшчу сёлета прадстаўляе Яцэк Скалімоўскі з часопіса Newsweek
У ліку сёлетніх намінантаў разнастайныя прадстаўнікі сучаснай беларускай сцэны. Больш за ўсё рокераў: ад грандаў у асобе „Крамбамбулі” да больш маладых Re1ikt, Super Besse, NABR і Teleport. Акрамя таго ў спісе ёсць фольк-каманды Shuma, Kazalpin і Irdorath, а таксама аўтар-выканаўца Паліна Рэспубліка. Азнаёміцца з імі дапаможа адмысловая складанка, на якую патрапіла па адным трэку з кожнага намінаванага альбома. Галоўны прыз – рэклямна-інфармацыйная падтрымка для сольнага канцэрту ад інтэрнэт-апэратара „Атлянт Тэлекам”.
Узнагароджаньне адбудзецца 16 сакавіка ў выглядзе закрытага мерапрыемства ў адным зь менскіх клюбаў. Анкеты ўсіх сябраў журы будуць апублікаваныя пасля цырымоніі.
[soundcloud url=”https://api.soundcloud.com/playlists/204004740″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”450″ iframe=”true” /]
Беларускае Радыё Рацыя
