Уладзімір Макей: Галоўным саюзнікам Беларусі застаецца Расея
Міністр замежных спраў Беларусі Уладзімір Макей пасля сустрэчы з польскім міністрам Вітальдам Вашчыкоўскім заявіў, што Беларусь ставіць мэтай паляпшэнне стасункаў з Еўразвязам.
Але, падкрэсліў Макей, знешняя палітыка застанецца шматвектарнай, і патлумачыў, як гэта выглядае з пункту гледжання беларускай улады:
– Гэта не азначае, што мы будзем разрываць сувязі і сябраваць за кошт кагосьці з іншымі. Гэта азначае, што мы маем намер дыверсіфікаваць нашую знешнеэканамічную і знешнепалітычную дзейнасць і мець нармальныя адносіны як з нашым галоўным саюзнікам Расеяй, так і з Еўразвязам і іншымі краінамі.
Візіт міністра замежных спраў Польшчы Вітальда Вашчыкоўскага – першы такога рангу пасля нядаўняга скасавання санкцыяў Еўразвяза супраць Беларусі.
Сяргей Залескі, Беларускае Радыё Рацыя, Менск
Фота sputnik.by
Глядзіце таксама
