Андрэй Арамнаў завяршыў кар’еру
Беларускі алімпійскі чэмпіён па цяжкай атлетыцы Андрэй Арамнаў заявіў аб тым, што завяршыў кар’еру.
„Я канчаткова завязаў са спортам. Ужо амаль як год зусім не займаюся цяжкай атлетыкай. Перад мной паўстаў выбар: альбо стаць інвалідам, або кінуць займацца спортам і перайсці на трэнерскую пасаду. Я зрабіў МРТ. Мне паказалі, што адна галава ад чатырохгаловай мышцы на 50 адсоткаў адарваная. Для жыцця мне хапае такога стану. Для заняткаў прафесійным спортам – ні ў якім разе”, – цытуе Арамнава by.tribuna.com.
