У Смаленску ўшанавалі ахвяр Катыні і авіякатастрофы
Дэлегацыя з Польшчы ў складзе 180 чалавек прыбыла на ўрачыстасці, прымеркаваныя да 76-й гадавіны трагедыі польскіх салдат у Катыні і 6-й гадавіны авіякатастрофы пад Смаленскам.
У Смаленску знаходзіцца ўпаўнаважаная па пытаннях міжнароднага дыялогу канцылярыі старшыні Савета міністраў Польшчы Анна-Марыя Андэрс, якая падчас выступлення адзначыла, што гэтае месца для яе, як дачкі генерала Польскай арміі Андэрса, вельмі важнае:
– Сёння, стоячы над магіламі ахвяр, я ад імя ўсіх палякаў аддаю даніну павагі. Тым самым я бяру ўдзел у вечнай польскай ганаровай варце памяці. Шэсць гадоў таму, 10 красавіка 2010 года, спяшаючыся на ўрачыстасці з нагоды 70-й гадавіны Катынскай трагедыі, загінулі ў авіякатастрофе прэзідэнт Польшчы і 95 найвыбітнейшых прадстаўнікоў польскай эліты.
Ля месца катастрофы прэзідэнцкага самалёта прайшло экуменічнае набаджэнства ў памяць тых, хто загінуў у Катыні і пад Смаленскам.
6 гадоў таму на аэрадроме ў Смаленску разьбіўся польскі самалёт з урадавай дэлеацыяй, якая ехала на ўрачыстасьці, прымеркаваныя 70-й гадавіне злачынства ў Катыні . У катастрофе загінула 96 чалавек, у тым ліку прэзідэніт Польшчы Лех Качынскі.
Валянціна Лаеўская, Беларускае Радыё Рацыя
Фота PAP/ Radek Pietruszka, Twitter/@DankaWoznicka
Глядзіце таксама
