Жыхары Лоеўскага раёна узгадваюць выбух на ЧАЭС
30 гадоў мінула з дня катастрофы на Чарнобыльскай атамнай электрастанцыі. Першапачаткова трагедыю спрабавалі захаваць у таямніцы ад людзей.
(Фота sputnik.by)
Старэйшыя жыхары Лоеўскага раёна, які знаходзіцца на самай мяжы з Украінай, узгадваюць выбух на Чарнобыльскай АЭС:
– Людзям жа адразу не патлумачылі, так пачулі, што нешта ёсць. А пасля ўжо, я не памятаю, праз нейкі час мы даведаліся, што гэта выбухнуў рэактар. Адсюль не высялялі нас нікога, але стаяла пытанне пра частковае высяленне. Паўтара кіламетра да ракі, але кароў напаіць ужо нельга – гэта ўжо зона.
– Такая смала, яна на ваду падала. Яны пусцілі заражэнне па ўсім свеце. Сыночак мой на кране працаваў, яго загналі туды ў Чарнобыль.
Дагэтуль 53 раёны Рэспублікі Беларусь застаюцца забруджаных радыёнуклідамі ў выніку катастрофы на Чарнобыльскай атамнай электрастанцыі. Цяпер над чацьвёртым рэактарам станцыі ўзводзяць новы саркафаг – над тым, які пабудавалі адразу пасля трагедыі.
Кася Бергель, Беларускае Радыё Рацыя
