Мікалай Статкевіч сустрэўся з аднадумцамі ў Берасці
Экс-кандыдат у прэзідэнты і палітвязень Мікалай Статкевіч сустрэўся з аднадумцамі ў Берасці. Мэтаю мерапрыемства стала прэзентацыя аргкамітэту «Беларускага нацыянальнага кангрэса», якую ён правёў разам з Генадзем Фядынічам.
Абмеркаванне фармату арганізацыі і мэтазгоднасці яе стварэння не адбылося без спрэчак. Падрабязней расказвае сам палітык:
– Спрэчкі – рэч нармальная, яны бываюць усюды. І гэта вельмі добра, бо калі толькі адзін чалавек гаворыць, робіцца сумна. Спрэчка асвяжае. Прыйшоў спадар Ляўковіч, які выратаваў сітуацыю, дадаў нам эмоцый і ажыўлення. Карацей кажучы, што за вяселле без бойкі?!
У вялікай залі офісу газеты «Берасцейскі кур’ер», дзе праходзіла сустрэча са Статкевічам, прысутнічала каля сарака чалавек. Пераважна гэта былі прадстаўнікі дэмакратычных асяродкаў Берасця, грамадзяне, якія ліставаліся з палітвязнем падчас адбывання ім пакарання, і грамадскія актывісты.
Імправізаваны сход ухваліў ідэю стварэння «Беларускага нацыянальнага кангрэса» большасцю галасоў праз звычайнае ўзняццё рукі.
Мікола Ляшкевіч, Беларускае Радыё Рацыя, Берасце
Фота аўтара
Глядзіце таксама
