“Летапісец нашай славы”: да 95-годдзя Міколы Ермаловіча
У Маладэчне прайшла навукова-краязнаўчая канферэнцыя “Летапісец нашай славы”, прысвечаная 95-годдзю з дня нараджэння слыннага даследчыка беларускай даўніны Міколы Ермаловіча (1921-2000).
На фота: выступае Уладзімір Мароз
Мадэраваў імпрэзу мясцовы краязнаўца і пісьменнік, які доўгі час быў у блізкіх стасунках з гісторыкам, Міхась Казлоўскі.
На фота: Міхась Казлоўскі
Выступоўцы, а сярод іх былі не толькі маладэчанцы, але і госці сталіцы, падзяліліся ўспамінамі пра сваё знаёмства з Міколам Іванавічам, распавялі пра яго падзвіжніцкую працу на ніве адраджэння гістарычнай праўды.
На фота: выступае Зміцер Санько
Адкрыццём для многіх прысутных было сведчанне, што Ермаловіч быў яшчэ і таленавітым паэтам, але з-за сваёй сціпласці, не афішаваў свой паэтычны дар.
На фота: Віншаванне ад Алены Ермаловіч, дачкі М.Ермаловіча
Напрыканцы канферэнцыі госці горада наведалі месца пахавання слыннага даследчыка на маладэчанскіх могілках.
[Not a valid template]
Алесь Кшталтны, Беларускае Радыё Рацыя, Маладэчна
Фота аўтара
