Украіна пачынае будаваць „сцяну” на мяжы з Расеяй
Украінскі ўрад пачынае праект будаўніцтва рэальнай мяжы з Расеяй. Пра гэта падчас пасяджэння Вярохоўнай Рады Украіны заявіў прэм’ер-міністр Арсеній Яцанюк:
– Мы пачынаем праект “Сцяна” – гэта будаўніцтва рэальнай дзяржаўнай мяжы паміж Украінай і Расейскай Федэрацыяй.
Раней губернатар Днепра-петроўшчыны Ігор Коломойскі прапанаваў пабудаваць на мяжы паміж Украінай і Расеяй ахоўную сцяну. Адпаведны інжынерны праект і тэхніка-эканамічнае абгрунтаванне ўжо накіраваныя ў Адміністрацыю Прэзідэнта Украіны.
Праектам прадугледжваецца, што ахоўная сцяна будзе ўяўляць сабой суцэльную металічную сетку вышынёй два метры і даўжынёй амаль дзве тысячы кіламетраў, усталяваную на апорных слупах. Зверху будзе нацягнуты калючы дрот з улікам усіх патрабаванняў ваеннага часу. На пэўных участках сетка будзе знаходзіцца пад электрычным напружаннем. Выкананне ахоўных ірвоў, мінных палёў ды сігналізацыі будзе праводзіцца спецыялістамі Міністэрства абароны.
[youtube id=”suQJ6dXxVhY”]
[youtube id=”oN5TtrHypwk”]
Антон Разумоўскі, Беларускае Радыё Рацыя
