Здымачную групу БТ выдалілі з суда над Сіўчыкам
Суддзя цэнтральнага раёна Вікторыя Шабуня была незадаволеная дзеяннямі супрацоўнікаў дзяржаўнага тэлеканала. «Раней ніхто не звяртаў увагі на дзеянні іхніх камер,» – гаворыць Вячаслаў Сіўчык.
— Вы ведаеце, як суды паводзяць сябе з незалежнымі журналістамі, але ж Шабуня і тут дадумалася нарэшце. Калі яна зайшла і ўжо трэці раз убачыла камеру БТ яна строга іх пастроіла і спытала, ці маюць яны дазвол. Бо ў іх там ёсць і адміністрацыйныя справы і крымінальныя справы.
«Бэтэшнікам прыйшлося моўчкі сысці з залі,» – сказаў палітык. Суд цэнтральнага раёна разглядаў справу аб гвалтоўным начным нападзе ў пад’ездзе ўласнага дома на Вячаслава Сіўчыка. Суддзя Шабуня прызнала ў судовым паседжанні Сіўчыка вінаватым у непадпарадкаванні супрацоўнікам міліцыі. Палітыку прысудзілі штраф у памеры 10 базавых велічынь.
Алесь Вайтовіч, Беларускае Радыё Рацыя
Глядзіце таксама
