Гражвідас Моркус: Разам мы зможам больш
“Беларускі і літоўскі медычны турызм разам можа заняць сваю нішу ў гэтый сферы турызму ў нашым супольным рэгіёне,” – адзначыў падчас ХІІ Беларуска-літоўскага эканамічнага форума дырэктар Асацыяцыі медычнага турызма Літвы Гражвідас Моркус.
Па яго словах, медычны турызм у свеце развіваецца па шляху спецыялізацыі. І кожны рэгіён спецыялізіруецца на аказанні канкрэтнай медычнай дапамогі для турыстаў. Такім чынам, Беларусь і Літва супольна могуць заняць сваю нішу ў адпаведных нашаму клімату і геаграфічнаму палажэнню паслугах:
– Можна прапанаваць больш шырокі спектр паслуг, пакетаваць яго нейкім цікавым чынам. Напрыклад, пачаць мерапрыемства ў Літве, пасля паплыць на каноэ ў Беларусь, там дзесьці адпачыць. І зрабіць такія прапановы, якія б сталі ўнікальнымі. Зараз свет ідзе па шляху спецыялізацыі. Калі мы хочам у Літве нечага дабіцца, а вы – ў Беларусі, то трэба шукаць гэтыя нішы, гэтую спецыялізацыю. І калі гэта рабіць разам, то для нас адкрыюцца вялікія магчымасці.
Сектар транспамежнага турызму і аказання медычна-турыстычных паслуг у беларуска-літоўскім памежжы быў упершыню прадстаўлены падчас ХІІ Беларуска-літоўскага эканамічнага форума, які прайшоў днямі ў Лідзе.
Андрэй Панямонаў, Беларускае Радыё Рацыя, Ліда
Фота аўтара
Глядзіце таксама
