Праваабаронцы пачынаюць парламенцкую кампанію – 2016
Праваабаронцы выступаюць за свабодныя выбары ў Беларусі і пачынаюць маніторынг. Яны традыцыйна будуць назіраць за ўсімі этапамі выбарчай кампаніі. Будуць задзейнічаныя ўсе механізмы абскарджання парушэнняў.
Гаворыць старшыня Беларускага Хельсінскага камітэту Алег Гулак:
– Галоўны акцэнт кампаніі як раз будзе скіраваны на тое, якім чынам тыя змены, якія ўжо анансаваліся і якія мы можам пабачыць, прааналізаваўшы метадычкі, каторыя Центрвыбаркам падрыхтаваў, – на колькі гэтыя змены палепшаць узровень дэмакратычнасці выбараў, наколькі гэта будзе прагрэсам дзеля выканання беларускага заканадаўства і міжнародных стандартаў, параўноўваючы з апошнімі прэзідэнцкімі выбарамі. Пэўны прагрэс мы адзначаем.
Доўгатэрміновае назіранне будзе ажыццяўляцца паўсотняй асобаў, ад пачатку датэрміновага галасавання будзе задзейнічана яшчэ 400 назіральнікаў. Па выніках будзе зроблена аналітычная справаздача, а таксама выпрацаваны рэкамендацыі па далейшым удасканаленні выбарчага заканадаўства.
Віталь Сямашка, Беларускае Радыё Рацыя
Глядзіце таксама
