Гарадзенскі музей Януша Паруліса на мяжы выжывання
Музей побыту Януша Паруліса, які знаходзіцца недалёка ад знакамітай Каложы, ледзь выжавае.
Яго ўладальнік – калекцыянер і збіральнік даўніны Януш Паруліс – канстатуе, што ўлады падвысілі арэндную плату за палову дома, у якой знаходзіцца экспазіцыя, і ён вымушаны прадаваць некаторыя прадметы, каб заплаціць за арэнду:
– Прадаваць тое, што я сабраў, усё роўна, што адрываць ад свайго сэрца. Нешта нязначнае ніхто не хоча купляць. Таму прыходзіцца прадаваць каштоўныя экспанаты. За апошні месяц я заплаціў за арэнду амаль 2 млн 500 тыс. рублёў.
У экспазіцыі першага ў Гародні прыватнага музея больш за 30 тысяч розных прадметаў, якія былі ва ўжытку гараджаніна ў ХІХ – ХХ стагоддзях. Аснову гэтай калекцыі складаюць зборы сям’і Парулісаў. Збіральніка падтрымліваюць многія гарадзенцы, аднак дапамогі ад гарадзенскай улады, па словах Януша Паруліса, – ніякай. Кіраўнікі гораду нават ніводнага разу не наведалі гэты музей-выставу.
Беларускае Радыё Рацыя, Гародня
Глядзіце таксама
