Cацыял-дэмакраты супраць польскага консульства
Футбольны двубой паміж гарадзенскімі сацыял-дэмакратамі і камандай польскага консульства пройдзе ў Гародні 21 жніўня. Мерапрыемства пачнецца а 12-й гадзіне на гарадзенскім стадыёне “Нёман” на полі для хакея на траве.
Распавядае кіраўнік суполкі БСДП (Грамада) у Кастрычніцкім раёне Гародні Анатоль Мышкевіч:
– Запрашаю ўсіх наведаць гэтае мерапрыемства. Будзе весела, цікава. Такога раней не было. Гэта наш першы вопыт. Думаю, і не апошні: будзем далей праводзіць такія спартовыя мерапрыемствы.
Сацыял-дэмакраты ў Гародні рыхтуюцца таксама да вялікага моладзевага спартовага спаборніцтва, які пройдзе ў горадзе напрыканцы жніўня – пачатку верасня 2016 года.
Беларускае Радыё Рацыя, Гародня
