Ганненскі кірмаш у Зэльве
Адзін раз у год гарадскі пасёлак Зэльва на Гарадзеншчыне ажывае. Тут у канцы жніўня адбываецца раённае свята “Ганненскі кірмаш”. Сёлета, 27 жніўня, ён быў не дужа шматлюдным, але тыя, хто прыйшоў, не сумавалі.
А, наадварот, весяліліся, адпачывалі, каб разам нагадаць той час, калі Зэльва славілася сваім Ганненскім кірмашом. Як сведчыць гісторыя, менавіта дзякуючы кірмашу, Зэльва была вядома ўсяму свету яшчэ ў XVIII стагоддзі. Тагачасныя зэльвенскія кірмашы былі аднымі з буйнейшых у Еўропе і саступалі па сваёй значнасці толькі знакамітым лейпцыгскім.
І сёлета ў цэнтры Зэльвы хапала розных атракцыёнаў, выставаў, конкурсаў.
Былі там і кірмаш рамёстваў, выстава коней, кірмашовыя атракцыёны, зэльвенцы змаглі пабачыць выступленне розных артыстаў, пакатацца на конях і проста пагутарыць адзін з адным.
На Ганненскім кірмашы свае агітацыйныя пікеты выставілі кандыдаты ў дэпутаты Іван Шэга і Ала Сопікава.
Барыс Баль, Беларускае Радыё Рацыя, Зэльва
Фота аўтара
Глядзіце таксама
