Ці дачакаецца ўпарадкавання сакольскі кіркут?
Габрэйскія могілкі, на якіх знаходзіцца амаль тысяча мацэваў, зараз занядбаныя. Ужо раней многія з жыхароў гарадка звярталі на гэта ўвагу, прапаноўваючы сваю дапамогу па ўпарадкаванні кіркута.
Апошнім часам з ініцыятывай да ўладаў горада звярнуўся адзін з жыхароў Саколкі Эдзік Гарштынскі.
– Гэта частка сакольскай гісторыі і памяць пра тых, каго ўжо няма. Гэта другі па велічыні кіркут на Падляшшы пасля Крынкаўскага. Апошняя інвентарызацыя праводзілася 30 год таму.
Бургамістр Саколкі Эва Кулікоўская:
– Гміна стараецца дапамагчы жыхарам. Адносна ўпарадкавання могілак магу сказаць, што гэта наша агульнае мінулае. А народ без мінулага – гэта народ без будучыні.
Кіркут у Саколцы з’яўляецца ўласнасцю варшаўскай яўрэйскай гміны. Бургамістр гарадка разлічвае таксама на падтрымку яўрэйскай суполкі з Падляшша.
Уля Шубзда, Беларускае Радыё Рацыя, Саколка
Глядзіце таксама
