Лявон Вольскі “Псіхасаматыку” прэзентуе ў Вільні
Лявон Вольскі рыхтуецца прэзентаваць новы альбом у Вільні. Дзвухгадзінны канцэрт супольна з нарвежскімі музыкамі пройдзе ў клубе Lof-tas 3 снежня. Для гледачоў з Беларусі прадугледжаная візавая падтрымка. Новы альбом называецца “Псіхасаматыка”.
Музыка наступным чынам пракаментаваў абраную назву праграмы:
– Груба кажучы, калі ў нас нейкія болі ў арганізме, то яны могуць быць справакаваныя нейкімі псіхічнымі рэакцыямі, часта выклікаюць гэта нейкія негатыўныя падзеі. Я лічу, што гэта досыць актуальна для нашага грамадства – такая назва.
Аб прэзентацыі альбома ў Беларусі гаворкі не вядзецца. “Гэта практычна неверагодна”, – кажа Лявон Вольскі. Ён па-ранейшаму ў “чорных спісах” забароненых музыкаў. “Псіхасаматыка”, як і папярэднія рэлізы, з’явіцца ў Сеціве для вольнага спампоўвання. Дзеля гэтага Вольскі хоча паспець аднавіць свой персанальны сайт.
Стас Дэдэрка, Беларускае Радыё Рацыя
Глядзіце таксама
