Апублікаваны спіс найбольш запатрабаваных у Менску спецыялістаў
Упраўленне занятасці камітэта па працы, занятасцi i сацыяльнай абароне Мінгарвыканкама апублікавала абноўлены спіс найбольш запатрабаваных на сталічным рынку працы спецыялістаў.
На 1 кастрычніка 2016 года найбольш запатрабаванымі спецыялістамі з’яўляліся: медсёстры (666 заяўленых вакансій), урачы-спецыялісты (400), прадаўцы (248), кухары (247), інжынеры (220), прыбіральшчыкі памяшканняў (187), спецыялісты рознай кваліфікацыі (па 176), кантралёры-касіры (170), выхавальнікі, у тым ліку дашкольнай адукацыі (156), бетоншчыкі (151), муляры (135), арматуршчыкі (125).
У студзені-верасні 2016 года па садзеянне ў працаўладкаванні ў службы занятасці Менска звярнулася 27.383 чалавекі, з іх 21.357 беспрацоўных.
На канец верасня ў Менску 13.007 беспрацоўных мелі права на атрыманне дапамогі, сярэдні памер якой склаў 21,74 дэнамінаванага рубля. Узровень афіцыйнага беспрацоўя на канец верасня склаў 0,6% колькасці эканамічна актыўнага насельніцтва Мінска.
На пастаянную працу ўладкавана 11.223 чалавекі, у тым ліку 6.894 беспрацоўныя. Працаўладкавана 354 асобы, якія абавязаны кампенсаваць расходы, затрачаныя дзяржавай на ўтрыманне іх дзяцей. Аказана фінансавая падтрымка 118 беспрацоўным у выглядзе субсідый для арганізацыі прадпрымальніцкай дзейнасці.
У студзені-верасні 2016 года зарэгістравана больш як 218,7 тыс. зваротаў саіскальнікаў працы да электроннага банка вакансій у аддзелах працаўладкавання і каля 8,1 млн — да электроннага банка вакансій на сайце Мінгарвыканкама, запоўнена больш за 11,3 тыс. анкет-рэзюмэ.
belapan.by
Глядзіце таксама
