Беларускі ВУП у студзені—верасні скараціўся на 2,9%
Згодна з першай ацэнкай у студзені—верасні 2016 года аб’ём беларускага ВУП у бягучых цэнах склаў 69,3 млрд рублёў, або ў супастаўных цэнах на 2,9% менш да ўзроўню студзеня—верасня 2015 года, паведаміў Белстат.
Зніжэнне ВУП назіраецца з 2015 года. У гэтым годзе яно прадоўжылася: за студзень — 4,4%, студзень—люты — 4,1%, студзень—сакавік — 3,7%, студзень—красавік — 3%, студзень—май — 2,8%, студзень—чэрвень — 2,5%, студзень—ліпень — 2,7%, студзень—жнівень — 3%.
Індэкс-дэфлятар ВУП у студзені—верасні гэтага года ў дачыненні да аналагічнага перыяду папярэдняга года склаў 108,2%.
„На жаль, бягучая сітуацыя паказвае нам пагаршэнне знешніх умоў, якія былі ў першай палове года. Таму цяпер намі разглядаецца варыянт зніжэння ВУП Беларусі на 2% па выніках года”, — паведаміў намеснік начальніка галоўнага ўпраўлення макраэканамічнага аналізу і прагназавання Мінэканомікі Юрый Зюзянкоў, выступаючы 13 верасня ў Палаце прадстаўнікоў.
БелаПАН
