Менскі хор – сярод лаўрэатаў конкурсу ў Беластоку
Срэбрны дыплом у катэгорыі камерных хораў і спецыяльная ўзнагарода журы. Менскі хор “Маёвая кветка” стаў адным з лаўрэатаў першага Міжнароднага конкурсу хораў “Cantu Gaudeamus” у Беластоку. Гэты калектыў звязаны з польскім асяроддзем у Менску.
У час конкурсу “Cantu Gaudeamus” выступілі хоры з Беластока, Элка, Варшавы, Кельцаў, Ломжы і Вільні.
Алена Несцер:
– Усё спадабалася. Сам конкурс вельмі спадабаўся. Ёсць моцныя калектывы, таму на іх трэба раўняцца, а дзеля гэтага трэба больш працаваць.
Анна Манюшка – дырэктар “Cantu Gaudeamus”:
– Вельмі цешымся, што на першым этапе бяруць удзел нашыя госці з Усходу. Гэта цудоўныя хоры з вельмі высокай музычнай культурай.
Якуб Шафраньскі – дырыжор жаночага хору Галоўнай гандлёвай школы ў Варшаве.
– Цікава паглядзець, на якім мы ўзроўні, што яшчэ можам зрабіць. І гэта вельмі добра, што ў конкурсе бярэ ўдзел шмат розных калектываў, якія паказваюць музыку з розных бакоў – так, як яны яе бачаць.
У конкурсных слуханнях выступіў таксама фальклорны калектыў “Вербіца” з Менска. Арганізатарам мерапрыемства было Таварыства сяброў Музычнага ўніверсітэта ў Беластоку.
[Not a valid template]
Лукаш Леанюк, Беларускае Радыё Рацыя, Беласток
Фота аўтара
