Чарговая экспедыцыя “Беларускага архіву вуснай гісторыі”
“Бабруйск габрэйскі” – чарговая тэма для пошуку цікавай інфармацыі з вуснай памяці жыхароў Беларусі. Валянцёры апыталі 64 рэспандэнты ў Бабруйску. Як лічыць Ганна Шарэнда, сталая валянцёрка ўжо шостай экспедыцыі, у габрэйскіх кабетаў ёсць рысы, якія не маюць беларускія.
– Габрэйскія жанчыны безумоўна адрозніваюцца ад беларускіх. Адрозніваюцца яны большай упэўненасцю ў сабе, большай шляхетнасцю, у іх гэта прысутнічае больш чым у беларусак. Яны, прынамсі, адказвалі шчыра і прама на ўсе тыя пытанні, якія ім задаваліся. Яны не ўхіляліся ад адказаў. З пасляваеннага жыцця Бабруйску большая частка габрэяў узгадвае, што беларусы ідыш ведалі лепш за саміх габрэяў, то бок адносіны былі нармальныя.
Аўдыё і відэа матэрыялы экспедыцыі неўзабаве будуць дасягальны для карыстальнікаў інтэрнэта. Цяпер ідзе падрыхтоўка для размяшчэння матэрыялаў на ўласным сайце “Беларускага архіву вуснай гісторыі”.
Якуб Сушчынскі, Беларускае Радыё Рацыя
Фота bobruisk.ru
Глядзіце таксама
