Бельскі “Універсітэт залатога веку” пачаў новы навучальны год
40 сталых студэнтаў з Бельска Падляшскага аб’яднаных “Універсітэтам залатога веку” ўрачыста пачало новы навучальны год. Гэта будзе ўжо 6 год дзейнасці.
“Кожны студэнт абавязаны працаваць на карысць свайго развіцця – гэта ж універсітэт,” – кажа старшыня Бельскага аб’яднання “Універсітэтам залатога веку” Тамара Русачык:
– Я сыходжу з таго, што мы ўніверсітэт, а не нейкі клуб пенсіянераў, або саюз ветэранаў. А ад універсітэта нешта патрабуецца. Каб нейкая была навука, нейкія дзеянні. І мы гэта робім.
Адначасова “Універсітэт залатога веку” адзначыў юбілей – 5-годдзя сваёй дзейнасці. За гэты час стварыўся хор “Асенні лісць”. Універсітэт прымае ўдзел таксама ў беларускім аматарскім мастацкім руху. У сваім рэпертуары мае беларускія песні ды тэатральныя сцэнкі. У час юбілея, за дзейнасць на беларускай ніве, хор узнагарoдзіў старшыня Беларускага грамадска-культурнага таварыства ў Польшчы Янка Сычэўскі.
[Not a valid template]
Давід Гайко, Беларускае Радыё Рацыя
Фота аўтара
