“Полацкая шляхта” Сулімы-Савіча-Заблоцкага ўпершыню выйшла асобнай кнігай
Кніжная серыя “Мая беларуская кніга” зрабіла сапраўдны сюрпрыз для аматараў беларускай літаратуры – выдала аповесць пісьменніка другой паловы ХIХ ст. Вайніслава Казіміра Сулімы-Савіча-Заблоцкага “Полацкая шляхта”. Імя гэтага аўтара стала вядомым у Беларусі адносна нядаўна. Яго творы ў друку з’явіліся толькі ў другой палове мінулага стагоддзя, а пад пільную ўвагу даследчыкаў яго жыццё і творчасць трапілі толькі ў ХХI ст.
Як паведаміў куратар кніжнай серыі “Мая беларуская кніга” Уладзімір Сіўчыкаў, гэты твор упершыню выйшаў асобнай кнігай:
– Кніжкай гэты твор выйшаў упершыню. Раней ён уваходзіў у адзін з тамоў серыі “Залатая калекцыя” выдавецтва “Мастацкая літаратура”. Быў такі таўшчэзны том. Па-мойму, чацвёрты кніга другая. А вось асобным выданнем, асобнай кніжка – сапраўды ўпершыню.
Па жанры гэты твор адносіцца да гістарычна-прыгодніцкай прозы. Авантурны элемент робіць аповесць даволі займальнай. З гонарам апісвае аўтар Дзвіну, Полацкае ваяводства, адзначае годнасць беларусаў гэтага краю – як шляхты, так і сялянства.
Васіль Кроква, Беларускае Радыё Рацыя
Глядзіце таксама
