Маршалак Сената Польшчы пра спаленьне сцяга Украіны: Такія выпадкі недапушчальныя
Маршалак Сената Польшчы Станіслаў Карчэўскі адзначыў, што шкадуе з нагоды спалення ўкраінскага сцяга на «Маршы незалежнасці» у Варшаве.
Польшча цэніць супрацоўніцтва з Украінай і пастараецца вырашыць праблему са знішчэннем ўкраінскіх помнікаў і сімвалаў, сказаў маршал Сената Польшчы Станіслаў Карчэўскі падчас сустрэчы з кіраўніком Львоўскай аблдзяржадміністрацыі Алегам Сінюткай 12 лістапада.
«Для нас важна супрацоўніцтва з Украінай, і мы цэнім нашы ўзаемаадносіны. Таму такія выпадкі з’яўляюцца недапушчальнымі, і мы пастараемся вырашыць падобныя сітуацыі», — адзначыў ён, каментуючы спаленьне ўкраінскага сцяга на «Маршы незалежнасці» у Варшаве 11 лістапада.
Карчэўскі дадаў, што шкадуе з нагоды інцыдэнта.
Сцяг Украіны быў спалены ў Варшаве падчас «Маршу незалежнасці» 11 лістапада. Як піша Gazeta.pl, гэта зрабілі заўзятары аднаго з варшаўскіх футбольных клубаў. Пазней нацыяналісты спалілі сцяг з лагатыпам Facebook, выкрыкваючы: «Польшча супраць карпарацый».
Пасол Украіны ў Польшчы Васіль Зварыч заявіў, што яму было «балюча глядзець на такія ганебныя дзеянні». Ён спадзяецца, што польскія нацыяналісты, якія спалілі сцяг, панясуць пакаранне.
gordonua.com
