„Уставіла вам Расея, што і паварушыцца не можаце”
Украінскі дыпламат Багдан Ярэменка лічыць „да ідыёцкага смехатворныv” тлумачэнне міністэрствам замежных спраў Беларусі спробы заблакаваць ў ААН галасаванне па рэзалюцыі адносна правоў чалавека ў акупаваным Крыме.
Украінскі дыпламат, кіраўнік праўлення фонду „Майдан закордонних справ” Богдан Ярэменка назваў «да ідыёцкага смехатворным» тлумачэнне міністэрствам замежных спраў (МЗС) Беларусі спробы зняць з галасавання ў Арганізацыі Аб’яднаных Нацый (ААН) рэзалюцыю па правах чалавека ў акупаваным Крыме.
У беларускім МЗС напярэдадні заявілі, што разгляд тэматыкі правоў чалавека ў ААН не мае ніякага дачынення да тэмы тэрытарыяльнай цэласнасці Украіны.
«Вось няхай бы міністр замежных спраў Беларусі і паспрабаваў знайсці ў справаздачах па правах чалавека ва Украіне да 2014 года інфармацыю пра такія масавыя і грубыя парушэнні, аж да палітычна матываваных забойстваў, арыштаў, знікненняў, пераследаў крымскататарского народа, іншых груп і актывістаў. Менавіта прыгнятаючая сітуацыя з правамі чалавека ў Крыме непасрэдна і наўпрост звязаная з расейскай акупацыяй і нічым іншым. Уставіла вам Расея, што і паварушыцца не можаце, так майце хоць бы мужнасць прызнаць гэта, дарагія сябры», — напісаў Ярэменка ў Facebook.
15 лістапада на пасяджэнні трэцяга камітэта Генеральнай Асамблеі ААН быў прыняты праект рэзалюцыі аб парушэннях правоў чалавека ў Крыме. За праект рэзалюцыі прагаласавалі 73 краіны — члены ААН, супраць — 23, яшчэ 76 устрымаліся.
Дэлегацыя Беларусі на пасяджэнні Трэцяга камітэта Генеральнай Асамблеі ААН прапанавала не разглядаць парадак дня камітэта, а таксама галасавала супраць рэзалюцыі аб правах чалавека ў анексаваным Крыме.
