Беларускаму іншадумцу Міхасю Кукабаку – 80 гадоў!
За свае перакананні Міхась Кукабака правёў каля 17 гадоў у зняволенні.
Выступаў супраць агрэсіі СССР ў Чэхаславаччыне, распаўсюджваў Усеагульную дэкларацыю правоў чалавека, выступаў за права беларусаў гаварыць на роднай мове.
Менавіта беларускай мове прысвечаны нарыс Міхася Кукабакі „Скрадзеная Бацькаўшчына”, які быў зачытаны на „Нямецкай хвалі” 25 га сакавіка 1978 года:
– Сыходзячы да чыгуначнага пераезду, што на вуліцы Бахарава, заўважыў папераджальны надпіс ля шлагбаўма: “Берегись поезда!” І адразу згадалася. А 25 гадоў таму тут было напісана: „Сцеражыся цягнiка!” і толькі ўнізе – рускі пераклад. Цяпер беларуская фраза знікла. Да ўласнага здзіўлення, мяне гэта непрыемна закранула. “Нечакана я ўсвядоміў сябе беларусам…”, – так апісаў гэтае месца Міхась Кукабака ў нарысе “Скрадзеная Бацькаўшчына” 25-га сакавіка 1978 года.
Па мясцінах “Скрадзенай Бацькаўшчыны, Бабруйск, 23 красавіка. Кадр з фільма “Дысідэнт”, здымкі: Уладзімір Каспяровіч.
Цяпер мала хто можа дакладна аднавіць у памяці 70-я гады ХХ стагоддзя, бо 70-я гады ў СССР — гэта іншы свет, у параўнанні з сённяшнім часам. Адбітак гэтай рэчаіснасці 70-х мы знаходзім у публіцыстыцы Міхася Кукабакі савецкіх часоў.
Цяпер МІхась Кукабака жыве ў Маскве, у снежні гэтага году – плануе наведаць Радзіму.
Беларускае Радыё Рацыя
Глядзіце таксама
