Гарадзенскія раварысты наведалі выставу старых ровараў
Актывісты роварнага руху Гародні наведалі адмысловую выставу, што адкрытая ў Музеі рэлігіі. Выстава распавядае пра ровар, і пра тое, як ён карміў італьянцаў у пачатку ХХ стагоддзя. Гэтыя некалькі дзясяткаў ровараў прадстаўляюць калекцыю італьянскага збіральніка Маўрыцыё Урбінаці і ўпершыню прадстаўлены ў горадзе над Нёманам.
Пра акцыю кажа кіраўніца грамадскай арганізацыі «ВелаГродна» Юлія Каляда:
– Выстава італьянскіх рэтраровараў вельмі цікавая, я думаю вельмі карысна схадзіць любому гарадзенцу. Музей гасцінна пагадзіўся сябрам нашай арганізацыі, раварыстам наведаць выставу са скідкай. За гэта ім вялікі дзякуй. А так, як сёння сусветны Дзень валанцёраў, то пры падтрымцы экалагічнага таварыства «Зялёная сетка», частка нашых валанцёраў наведала гэтую выставу бясплатна.
Выстава будзе працаваць ў Гародні да 18 студзеня, і роварныя актывісты раяць яе наведаць усім гарадзенцам і гасцям гораду.
[Not a valid template]
Беларускае Радыё Рацыя
