125 гадоў таму нарадзіўся Максім Багдановіч

таму

Выдрукаваць Пракаментаваць (0) Падзяліцца

125 гадоў таму нарадзіўся Максім Багдановіч, класік беларускай літаратуры, паэт, публіцыст, літаратурны крытык. У 1907 годзе ён дэбютаваў у газеце «Наша Ніва» з апавяданнем «Музыка».

У пачатку 1914 года ў Вільні ў друкарні Марціна Кухты выйшаў паэтычны прыжыццевы зборнік вершаў Максіма Багдановіча «Вянок» (на тытуле кнігі стаіць 1913 год, але ў тым годзе яе выдаць не паспелі).

Афіцыйныя ўрачыстасці з нагоды 125-годдзя Максіма Багдановіча пачнуцца ля помніка паэту на плошчы Парыжскай камуны ў 10 гадзін літаратурнай акцыяй „Расцем разам з Максімам”. Тут студэнцкія калектывы і выкладчыкі ВНУ, работнікі музеяў і прадстаўнікі грамадскасці будуць чытаць вершы Багдановіча. Затым у храме-помніку Усіх Святых у 11.30 пачнецца цырымонія асвячэння і закладкі капсулы з зямлёй, прывезенай з магілы Максіма Багдановіча ў Ялце. У мерапрыемстве возьме ўдзел міністр культуры Барыс Святлоў.

Урачыстае тэатралізаванае адкрыццё новай экспазіцыі, прысвечанай дню нараджэння паэта, адбудзецца ў 16 гадзін у Літаратурным музеі Максіма Багдановіча.

У 17.30 ля помніка класіку пачнецца літаратурны мітынг з удзелам ганаровых гасцей, членаў урада, Адміністрацыі прэзідэнта, Менгарвыканкама. Пасля яго заканчэння адбудзецца ўскладанне кветак і запальванне памятных свечак і лампад.

***

Напілося сонца са крыніц сцюдзёных

Напілося сонца са крыніц сцюдзёных,

Усцягнула ў вышу з іх ваду, як пар;

І ўзляцеўшы шпарка па праменнях тонкіх

Пар зрабіўся слічнай чарадою хмар.

У даль яны памкнулі і лятуць пад імі

Нівы ды балоты, поле, бор, лука.

Але што там блішча? Ці не ты, сястрыца,

Ці не ты ліешся срэбная рака.

Загрымелі ў хмарах гулка прывітанні

І далёка буйны вецер іх разнёс.