Віктар Жыбуль прэзентаваў новую кнігу
Інтымны дзённік Максіма Багдановіча і страту на віленскіх Лукішках Кастуся Каліноўскага аб’яднала прэзентацыя кнігі правакацыйнага паэта Віктара Жыбуля “Дзяцел і дупло”. Кніга пабачыла свет у выдавецтве “Галіяфы”, прэзентацыя адбылася ў сталічным гандлёвым цэнтры “Няміга”.
Гаворыць аўтар:
– Тое, што выйшла ў выніку, адрозніваецца ад таго, што было першапачаткова. Мне давялося адсеяць частку вершаў, бо я сам засаромеўся некаторых. Часам даводзіцца выступаць у школах, і трэба неяк прапагандаваць беларускую паэзію.
Нацешымся дзівоснаю кабетаю,
Якой зачараваны быў Максім,
З Гагарыным узмыем над планетаю
І з Каліноўскім сумна павісім.
Віктар Жыбуль толькі на першы погляд блюзнерыць з нашай гісторыі. Насамрэч ён прымушае задумацца слухача. Калі таго цікавяць інтымныя акалічнасці жыцця Максіма Багдановіча, то варта прымераць на сябе і лёс іншых герояў нашай гісторыі.
[Not a valid template]
Максім Каўняровіч, Беларускае Радыё Рацыя, Менск
