Як жывецца беларускім пенсіянерам?
У Беларусі пенсіянеры лічацца адной з самых неабароненых групаў насельніцтва. Невысокія пенсіі, адсутнасць ільготаў, недаступнасць якаснай медыцыны і шмат што іншае.
Трэба адзначыць невысокую патрабавальнасць сталых людзей, сціпласць іх жаданняў, якія часцей за ўсё не выконваюцца ўладамі. Бярозаўскіх пажылых турбуюць сацыяльныя пытанні, што тычацца іх паўсядзённага жыцця:
– Каб больш грошай атрымліваць, каб было за што хадзіць у магазіны.
– Аўтобусы часта не даязджаюць да бардзюраў, а ў многіх людзей хворыя ногі. Цяжка заходзіць у аўтобус.
– Мая сястра жыве ў вёсцы, яна інвалід ІІ групы. Ёй ніхто неўдзяляе ўвагі.
– Каб атрымаць неабходную медыцынскую дапамогу трэба некуды ехаць ды яшчэ плаціць. А пенсіі ў нас малыя.
Нямала і поўнасцю задаволеных жыццём. Да такіх можна аднесці ваенных пенсіянераў і тых, хто сваімі пенсіямі не дзеліцца з унукамі або мае вельмі сціплыя патрабаванні:
– Я ўсім задаволены, мне ўсё дае дзяржава, я гэта заслужыў. У мяне няма ніякіх прэтэнзій. Мы, як ваенныя, не павінны нечага прасіць.
– У нас усё добра. Мы ні на што не скардзімся. Нам добра жывецца.
У Беларусі каля 20 % насельніцтва ва ўзросце 60 гадоў і больш – г.зн., кожны 5 жыхар краіны.
[Not a valid template]
Беларускае Радыё Рацыя, Бяроза
Глядзіце таксама
