Дэпутатка адмовіла ў прыёме грамадзянам
Баранавіцкая дэпутатка Палаты прадстаўнікоў Таццяна Якубовіч не палічыла патрэбным выслухаць больш 30 чалавек, нязгодных з Дэкрэтам №3.
Яны, маўляў, не запісаліся. Хоць пра жаданне трапіць на сустрэчу яшчэ 6 лютага выказалі памочніку дэпутата Таццяне Латышавай трое з прыйшоўшых. Двое з іх, бацька і сын Міколы Чарнавусы, збіралі подпісы і з імі на сустрэчу выказалі жаданне прыйсці падпісанты, кажа Мікола Чарнавус (старэйшы):
— Яна зрабіла выгляд нібыта яна ну так ужо старанна прымае перад намі. Стаяў дзядуля франтавік, ён зайшоў і яна хвілін 40 расказвала яму, куды яму трэба звяртацца. Ён выйшаў, а нас усё адно не прынялі. Яна баялася сёння размаўляць з народам.
Паводле Міколы Чарнавуса, непрынятая дэпутаткай група грамадзян дамовілася прыйсці на галоўную плошчу горада 26 лютага а 12 гадзіне і прывесці з сабой сяброў і знаёмых.
Беларускае Радыё Рацыя
