Курбан-Байрам ў Польшчы – без рытуальнага зарэзвання жывёлы
Пачалося адно з самых вялікіх святаў у мусульманскім календары Курбан-Байрам. Сёлета, першы раз пройдзе яно ў Польшчы без рытуальнага зарэзвання жывёлы.
Прычынай таго з’яўляецца мінулагодняя змена польскага заканадаўства. якое забараняе ўбіваць жывёлу без аглушэння.
Ахвяраванне было на працягу стагоддзяў неадёмнай часткай святкавання.
Святкаванні пачаліся ўжо сёння і будуць працягвацца да аўторка.
– Не павінна быць забароны, бо гэта спрадвечная традыцыя, якая пачалася яшчэ да нашага існавання. Складаецца Ахвяра Алаху. Гэтае свята прыраўніваецца да польскага свята Божага нараджэння.
– Гэта свята спакойнае, прыемнае, дзе мы можам сустрэцца разам, ходзім адзін да аднаго на абеды, бо на працягу года рэдка спатыкаемся, гэта для нас такая магчымасць пагаварыць.
Курбан-Байрам лічыцца адным з самых вялікіх мусульманскіх святаў у годзе.
Уля Шубзда, Беларускае Радыё Рацыя
Глядзіце таксама
