Пазнаёміліся з працай польскіх недзяржаўных арганізацый
Завершыўся чатырохдзённы адукацыйны візіт у Люблін для берасцейскіх недзяржаўных арганізацый. Асноўным арганізатарам з беларускага боку выступіла агенцтва рэгіянальнага развіцця “Дзедзіч”.
Прадстаўнікі 11-ці беларускіх грамадскіх структураў пазнаёміліся з працай польскіх калегаў, – кажа адна з ініцыятараў сустрэчы Алена Каховіч.
– Змаглі навязаць кантакты. І вось атрымалі магчымасць пазнаёміцца, як працуюць розныя некамерцыйныя арганізацыі Любліна і яго ваколіцы. І таксама змаглі пазнаёміцца паміж сабой. Нягледзячы, што горад невялікі, тым не менш не ўсе друг друга ведалі.
Паводле Алены Каховіч, супрацоўніцтва паміж польскімі і беларускімі партнёрамі працягнецца і надалей, атрыманы досвед знойдзе прымяненне на практыцы.
Беларускае Радыё Рацыя
Фота 34Mag
