У Беларусі ледзь не кожны дзень растуць цэны
Рост коштаў незразумелы для жыхароў Бярозаўшчыны. Да гэтага людзі ўжо прывыклі, абураюцца і не чакаюць для сябе нічога добрага:
– Прыйшла зараз – цукар падаражэў, ужо 10 тысяч. З учорашняга дня падаражэў. Заробкі на месцы, а цэны на прадукты растуць. Ужо ў Берасці ездзяць ва Украіну, у Забалаць, за прадуктамі, бо там танней: мяса каштуе 50 тысяч.
– Паглядзіце, колькі каштуе хлеб. А малочная прадукцыя… Пракарміць 2-3 дзяцей ужо праблема.
Галоўны эканаміст аднаго з дзяржаўных банкаў лічыць, што віной таму сацыяльна арыентаваная эканоміка яшчэ з тэорыі марксізму-ленінізму:
– Вінаватых, канкрэтную асобу ў гэтай сітуацыі назваць цяжка. Пакуль мы не пачнем жыць па нармальных эканамічных законах, а не выдуманых законах класікаў марксізму-ленінізму, нічога не зменіцца.
Асноўная частка апытаных вінаваціць у павышэнні коштаў уладу, якую, на думку людзей, трэба мяняць. Вось толькі як памяняць – не ведаюць, бо выбары надзеі не даюць.
Беларускае Радыё Рацыя, Бяроза
Фота moneygazeta.kz
