Смяротнае пакаранне: за і супраць
Пераважная большасць апытаных жыхароў Бярозаўшчыны выказалася за захаванне смяротнага пакарання. Яны лічаць, што забойцам няма месца ў грамадстве нават у ролі пажыццёва ізаляванага. На іх думку, пазбегнуць судовых памылак можна боьш узмоцненым кантролем за праваахоўнымі і судовымі органамі:
– Есць такія садысты, іх не толькі пакараць смерцю, іх расчляніць на 5-10 частак трэба, каб яго не было на гэтым свеце сярод нармальных людзей!
– Калі нягоднік заслугоўвае, яму няма чаго жыць сярод людзей.
– Трэба плаціць за свае ўчынкі тым жа.
– Чаму ён павінен жыць? Я – за смяротнае пакаранне.
– Навошта падаткаплацельшчыкам утрымліваць нейкага забойцу.
У прыхільнікаў адмены смяротнага прысуду не менш важкія аргументы:
– Усё ж такі вельмі шмат судовых памылак у нас. А тут справа ідзе пра жыццё чалавека. Назад яго не вернеш. Таму я – супраць смяротнай кары.
– Няхай ён лепш пакутуе да канца сваіх дзён. Пажыццёвае магчыма яшчэ страшней, чым смяротнае пакаранне.
Паводле праваабаронцы Сяржука Русецкага, нельга вінаваціць людзей за крыважэрнасць. Прычынай таму – скіраванасць дзяржавы ў бок захавання смяротнага пакарання, калі сам Аляксандр Лукашэнка за 20 год не адмяніў ніводнага смяротнага прысуду.
Беларускае Радыё Рацыя, Бяроза
Глядзіце таксама
