Лістоўка, прысвечаная “Апошняму славяніну…”
У Слонімскай друкарні свет пабачыла лістоўка раз-моўяў пад назвай “Апошняму славяніну…”. Аўтар лістоўкі – беларускі праваслаўны святар і паэт Зьніч (Алег Бембель), які жыве ў Жыровічах каля Слоніма.
Раней паэт Зьніч здзіўляў чытачоў сваімі кнігамі “Апошняму беларусу”, “Апошняму земляніну”, а цяпер – з’явілася паэтычная лістоўка “Апошняму славяніну…”.
На двух старонках лістоўкі надрукавана 26 вершаў паэта. Гэта вершы-раз-моўі і мадуляцыі паэта, у якіх аўтар па-свойму спрабуе асэнсаваць глабальны віток гісторыі ў кантэксце 1000-годдзя Хрышчэння Русі (1988) і 2000-годдзя зямнога шляху Збавіцеля (2000-2033):
…да Скону памятай, нябога,
Пакуль мытарствы не прыйшлі:
І ў пекла… і – у рай – дарогу
Ты сам будуеш – на Зямлі…
Лістоўка “Апошняму славяніну…” выйшла 5000 накладам і аўтар яе раздае бясплатна.
Беларускае Радыё Рацыя, Жыровічы
