Янка Трацяк і Павел Сцяцко прыняты ў Саюз беларускіх пісьменнікаў
Рада Саюза беларускіх пісьменнікаў па рэкамендацыі Гарадзенскага аддзялення Саюза беларускіх пісьменнікаў прыняла ў свае рады двух гарадзенскіх літаратараў і навукоўцаў – Паўла Сцяцко і Янку Трацяка.
Трацяк Янка жыве ў Гародні. Ён даследуе гісторыю канфесій, культуру і турыстыку Беларусі. Аўтар навуковых дапаможнікаў „Біблія ў кантэксце беларускай культуры” (2003),” Уводзіны ў турызм” (2011), „Культурны турызм” (2014), манаграфіі „Беларускае каталіцкае духавенства ля вытокаў сацыякультурнай ідэнтыфікацыі” (2013), кнігі пародый і эпіграмаў „Партрэты ў інтэр’еры Гародні” (2013) і заходнебеларускага рамана-хронікі „Саветы” (2015).
Павел Сцяцко жыве ў Гародні. Доктар філалагічных навук.
Падрыхтаваў 15 кандыдатаў і дактароў навук. Мае больш за 600 апублікаваных працаў, у тым ліку больш за 30 кніг і 6 брашур, з іх 5 манаграфій, 5 слоўнікаў, 18 навучальных дапаможнікаў і падручнікаў для ВНУ і сярэдніх спецыяльных навучальных устаноў. Сярод якіх – “Народная лексіка” (1970), “Беларускае народнае словаўтварэнне” (1977), “Слоўнік рэгіянальнай лексікі Гарадзеншчыны” ( 1999), “Культура мовы” (2002) і іншыя.
Барыс Баль, Беларускае Радыё Рацыя
