Мілітарны пікнік „Місія ўсход” пад Беластокам
Выбухі, стрэлы, узбраенне розных часоў і рэканструкцыі баёў. У Агароднічках, што каля Беластока, праходзіць мілітарны пікнік „Місія ўсход”.
На 60-ці гектарах раскінуліся вайсковыя гарадкі розных часоў, дзе польскія, савецкія, нямецкія жаўнеры, а таксама вікінгі ды іншыя, прадстаўляюць інсталяцыі ды ладзяць сцэнкі.
Сярод госцей фестываля прысутнічаюць і тры рэканструкцыйныя групы з Беларусі.
Андрэй Шульга з групы “Абаронцы Айчыны”:
– Мы ўжо другі год сюды прыязджаем, у мінулым годзе былі, нам спадабалася. У гэтым годзе нас запрасілі, мы таксама прыехалі.
РР: А якое войска прадстаўляеце?
– Савецкае войска, якое было сфармаванае ў 1920 годзе.
Мілітарны пікнік „Місія ўсход” працягнецца да вечара нядзелі.
[Not a valid template]
Лукаш Леанюк, Беларускае Радыё Рацыя
Фота аўтара
