МАП даў год на ліквідацыю прымусовай працы
Тыдзень працавала ў Беларусі місія Міжнароднай арганізацыі працы.
Прадстаўнікі МАП сустракаліся з уладнымі структурамі і з прафсаюзнымі лідарамі. Сёння ў Менску адбудзецца Савет Беларускага кангрэсу дэмакратычных прафсаюзаў, на якім будуць агучаны вынікі гэтага візіту.
У Савеце прыме ўдзел і намеснік старшыні рэспубліканскага Свабоднага прафсаюзу Беларускага Мікола Шарах:
– Год назад адміністратыўны савет МАП даў Беларусі год на ліквідацыю прымусовай працы – гэта трэці дэкрэт, дэкрэт па прымусовай працы і па суботніках, розныя там іншыя рэчы. Штосьці Беларусь адмяніла, штосьці не адмяніла, выканала ці не выканала, але выніковага дакумента я пакуль не бачыў.
Міжнародная арганізацыя працы – спецыялізаваная ўстанова ААН, якая займаецца пытаннямі рэгулявання працоўных адносін. Удзельнікамі МАП з’яўляюцца 185 дзяржаў. Штаб-кватэра арганізацыі знаходзіцца ў Жэневе.
Бедарускае Радыё Рацыя
