У Слуцку запушчаны дрожджавы завод
СТАА «Интерферм» ўвяло ў эксплуатацыю дрожджавы завод у Слуцку, кошт праекта – больш за 35 млн еўра. Прадукцыйнасць новага прадпрыемства – 20 тысяч тон дрожджаў у год.
Цяпер пачата вытворчасць прадукцыі, вядуцца апошнія пусканаладачныя мерапрыемствы. Афіцыйная цырымонія адкрыцця завода плануецца на пачатак верасня 2017 года, паведамляе Прайм-ТАСС.
На ўнутраны рынак Беларусі дрожджавы завод плануе пастаўляць каля 10 тыс. тон прадукцыі ў год, астатнія 10 тыс тон разлічвае пастаўляць на экспарт.
На прадпрыемстве ўстаноўлена абсталяванне пераважна нямецкіх вытворцаў. Праект рэалізавала СТАА «Интерферм», заснаванае ААТ «Слуцкі цукрарафінадны камбінат» і Interferm GmbH – даччынай кампаніі Uniferm (Германія).
belaruspartisan.org
