У Расеі здалі ў металалом ракеты. Адна з іх выбухнула
Пра трагедыю на базе прыёму металалому ў расейскай Чыце паведамілі следчыя органы.
Напярэдадні невядомыя здалі ў металалом тры ракеты.
Адна з іх выбухнула, калі супрацоўнікі пачалі рэзаць метал – абодва загінулі, яшчэ адзін шпіталізаваны.
Момант выбуху трапіў на відэа з рэгістратара машыны, якая праязджала непадалёк.
Расейскія СМІ паведамляюць, што на месцы выбуху знойдзены часткі ракеты ад зенітна-ракетнага комплексу С-200 „Ангара”.
Якім чынам яны трапілі ў металалом, не паведамляецца.
Зенітны комплекс С-200 быў прыняты на ўзбраенне ў 1967 годзе.
